Menu
ᐃᓄᒃᑎᑐᑦ | English | Français

Aihimavian

Naunaitkutat Havaakhanginnik Katimayiuyunuts

Nomination Request for Applications
to the URRC

Apiqhiyut Uukturumayunut

Maligakhat

Maliktakhat Qanuriliurutikhallu

Inigiikhimayut Titigakhimayut

Alruyaqtuqtunik Ikumatjutiit Malirutikhaqhimayut
talvuuna Katimayiinut

Aulayut Alruyaqtuqtunik Ikumatjutiit Akiliktutikhaingit

QEC Documents

Tuhaqtitjutikhaq

1

Naunaitkutat Havaakhanginnik Katimayiuyunuts

Nunavut Uumaqutikkut Akingit ihivriurningit Katimayiingit (URRC)

Tamna URRC ayurnavyaktuq, amihunullu-ihuarhaitjutiuyuq. Ilaliutihimayuq kiinauyaliqiniqmik, maniliurniqmut, hanauyukhanik titirauyaqtiuyuqmik maligaliqinirmiklu. Naunaittiaqhimayuq, ihariagiyaunngittuq ilaugiami uumani havaami kihimi kangirhimayukhaq havaangit talvani ihariagiyauyuq. Katimayiingit pihimayuq uqautjiuyukhamik ayuitpiaqhimayumik uumaqutinut maligaliqiyumik ikayuqtut Katimayiinut naunaiyaigiami kangirhigiamilu uuktuutingit kiulunilu ilauyut apirhuutinginnik. Pitquhinga aullaqtilugu tamarmik nutaat ilaunahuat ilihaigiamiknik kangirhipkaigiamikni qanuriliurninnga maliganganik - pipkailluaqtauyuq havakvikmi naunaipkaiyuq Ikhivautalikmit.

Katimayiingit pipkaiquiyut QEC-kunnut uumunga Akinga Tunngavinganik/Akinga Utiqtitjutinganut' havaanga utiriami uumunga 'Maniliurutikhat Piqaqtakhangit, tamna atauttimut maniit uumaqutiyiit katitiqtukhat atuqtiuyunit akiliriamiknik aulapkaitjutimut akikhanganik, akiliqlugu hanalrutinginnik pipkaigiamilu manikhaanik maniliurutinginnut (GN) – una hivulliqpaanguyuq havaakhaq tamarmikni angiyut akingat uuktuutingit. Hivulliqpaanga ilanga ittuq kiinauyaliqinirmut piyuq itqurhimayunut, talvani Katimayiingit ihivriuqtamiknik. Piyuq naunaiyarhimayamiknik, Katimayiingit talvannga ihumaliurniaqtut ihuatqiaq 'Akinga Tunngavinganik, atlangayuq nampa talvanngani uuktuqtamiknit. Tamna Akinga Utiqtiffaarninnganut ihumaliurhimayuq ihivriuruirumik ihivriurumiklu qanuritaakhaanik havakvinganik hunaluliqaak. Katimayiingit inuknut katimapkaivaktut Nunavunmi tunirhaitinnagit ihumaliuqtamiknik.

Atuqtakhangit 2 akinganit ilaliutiyuq havaamik ihivriuriamikni kitut uumaqutiliriyiit aulapkaitjutingit pipkaitjutigiyuq akikhanganik, talvannga atuqtut munariyakhaat (ukunatitut. igluqpilgit, maniliurutauyut, havakviuyut, apqutip qaumaqutingit) talvannga piliurlugu akikhangit tamarmikmut atuqtauyut uumaqutinik – una piyuq inuknut katimapkailutik talvannga ihivriuruirumik Katimayiinnit.

Katimayiuyuq taiguanginnaqtukhaugaluaq uuktuutikhaq piliuqqat ayuirhapkaiviutigaluaqqullu qangaraaluk, ikayurniq uqautjiutiptiknit ikayuutiptikniklu uqaqatigiikhutiklu, Ihumagiunnga katimayiuyut piqaqtut nakuuyumik kangirhitjutimik kitunik iliuraihimayut tunigiami nakuuyumik ihumaliuqtamiknik.

Titiraqhimayumi 7 uumani URRC Maligangani, pipkaitjutikhangit Ihivriuqtukhat Katimayiit hapkuninnga pigiamiknik:

  1. naunaipkailugu Ministauyuq pauwaqtuutigiyauyumut ukunuuna uunaqutingit ayurhautigiyanginnik akingit taaksingillu angirhimayumut titiraqhimayumi 11mit 18mut;

  2. naunaipkailugu Ministauyuq pauwaqtuutigiyauyumut tikkuaqtauhimanngittu pauwaqtuutigiyauyunut pitqutivlugu apirhuutiqarumi tamna Ministauyuq pitquyauyuq ihumaalutigiyauyuut akingit, taaksingit akingillu tunngavingit;

  3. naunaipkailugu Ministauyuq pauwaqtuutigiyauyumut ihumaalutigiyauyuq humikliqaaq pauwaqtuutigiyauyunut piyut Ministamit kiutjutigiyauyuamiknit Maligaliurvikmi Ministauyunit;

  4. naunaipkailugu Ministauyuq ihumaalutigiyauyunik atukkiqtauhimayunut tuniyauningit Niuvikhautit Ikayuutitlu pitquyauhimayuq Ministamit uqaqtauhimayuq Maligaliurvikmi Ministauyunit;

  5. naunaipkailugu Ministamit munariyuq Qulliq Alruyaqtuqtunik Ikumajjutiit piyut ukununnga uuktuutinut angiqtauyukhanik angiyunik akituyunik havauhikhanut uumani titiraqhimayuni 18.1 uumani Qulliq Alruyaqtuqtunik Ikumajjutiit Maligangani. S.Nu. 2010,c.3,s.18; S.Nu. 2010,c.6,s.13.

Qilamiurhuta, qinirhiayugut Katimayiimi katimayukhanik ilihimayunik ayuittiarhimayamiknik.

Ihariagiyamiknik

Hulilluarungnairaangata 16/20 ikaarninik (malruuknikmit 2 1/2 ublunikluunit), taiguaqniqmik ihivriuqhutiklu iniqhimaittunik ihumaliurutinik atauttikkuqtauyut uqautjiutimit, ikayuutimitlu Katimayiit Ikhivautanganit. Atauhiqmi malruukmikluuniit taimaa apluqlugu atauhiq ukiumik, havvaktitkaangata ihariagiyauyuq aatjikutaanik kihimi amigaitqiyauyumikluuniit, 7nit 10nik ublunik tingmigiami inuknut katimapkailiraangata. Inuknut katimapkaivingit naunaipkaivaktaik qilaminnuaq – malruuknik pingahuniluuniit tatqirhiutini katimatinnagit.

Ilaani Katimayiit huliakhaiqpaktut katimatinnagit. Titiqqat tuyuqtauvaktut qakunnguraangat, pipkaitjutigiyuq Katimayiuyunit avvaklugit ihivriurutingit tamainnik uuktuutinginnik ihuatqiyauyumik iniqtirvikhanganik. Kihimi, tikiliraangaptitku ihumaliuqtakhaqqut tuniyauyukhamik, nakuuyumik piyukhaq haaakput iniqtiqtukhaq nakuuyumik. Katimayiingit ihumaalutigiyangit ittuq atauhiqmit hitamauyumut ihumaliurutauyuq atauhiqmi ukiumi.

Ayuirhaniq

Piqaqtuq havaami havakvikmilu ayuirhariamikni. Piqaqhunilu ayuirhaiyut ilauyunut iliharvikyuami Kanatami Amialikamilu. Kitkut ayuirhanahuat iliharvikyuami piyuq tamarmik ihariagiyauninginnik manikharvitigullu manitigut URRC-kunnit.

(C) Copyright 2011 URRC