URRC

ᑐᓴᒐᒃᓴᖅ

ᑐᓴᒐᒃᓴᖅ ᐅᑯᓇᙶᖅᖢᓂ...
ᐃᒡᓗᕐᔪᐊᓂ ᐊᑐᖅᑕᐅᕙᒃᑐᓄᑦ ᐊᑭᖏᓐᓄᑦ ᕿᒥᕐᕈᐊᒃᑲᓐᓂᖅᓯᓂᕐᒧᑦ ᑲᑎᒪᔩᑦ (URRC−ᑯᑦ)

ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᒻᒥᒃ ᐱᑎᑕᐅᓚᐅᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᐅᑐᐱᕆ 27, 2017-ᒥ. ᑐᒃᓯᕋᐅᑦ ᒥᓂᔅᑕᒧᑦ ᐱᓕᕆᐊᒃᓴᓕᖕᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑐᓂᔭᐅᓚᐅᖅᐳᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ ᕿᒥᕐᕈᔭᐅᓂᐊᖅᑐᒥᒃ ᐊᒻᒪ ᐊᑐᓕᖁᔨᔾᔪᑎᓕᐅᕐᓗᑎᒃ.

ᑐᒃᓯᕋᐅᑎᖓᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᓯᔾᔩᔪᒪᕗᑦ ᐊᑭᖏᓐᓂᒃ ᐊᐃᕆᓕ 1, 2018-ᒥ ᐱᒋᐊᕐᓗᓂ ᐊᒻᒪ ᐊᐃᕆᓕ 1, 2019-ᒥ ᐋᖅᑭᒋᐊᕈᑕᐅᓕᕋᔭᖅᑐᓂᒃ ᓄᓇᓕᖕᓃᑦᑐᑦ ᐊᑭᖏᓐᓂᒃ ᓴᖅᑭᑕᐅᕙᓪᓕᐊᖁᓪᓗᒍ ᓄᓇᕗᑦ ᐊᕕᒃᑐᖅᓯᒪᓂᓕᒫᖏᓐᓂ ᐊᑭᒋᓂᐊᖅᑕᖏᑦ. ᑲᑎᓯᒪᔪᑦ ᐊᒃᑐᐃᓯᒪᔪᑦ ᐃᓱᓕᕝᕕᒃᓴᕆᑎᑕᐅᔪᒧᑦ ᐅᖅᓱᐊᓘᑉ ᓱᕐᕋᔾᔭᐃᒃᑯᑎᖓᓂ 5.41−cents (per KWH) ᑭᓗᐊᑦ ᐃᑲᕐᕋᖅ ᐊᑕᐅᓯᕐᒧᑦ ᐊᒻᒪ ᐊᑭᖓᓄᑦ ᐋᖅᑭᒋᐊᕈᑕᐅᒃᐸᑦ ᐊᑭᑦᑐᕆᐊᕋᔭᖅᐳᑦ ᐊᑭᒃᖠᒋᐊᕐᓗᑎᒡᓗ ᐊᑐᓂ ᓄᓇᓕᖕᓂ 2018/19-ᒥ ᐊᒻᒪ 2019/20 ᑮᓇᐅᔭᓕᕆᓐᓇᒥ ᐊᕐᕌᒍᓂ ᐊᑖᓂ ᑎᑎᕋᐅᔭᖅᓯᒪᔪᒥᑦ ᑕᑯᒃᓴᐅᑎᑕᐅᔪᒥᑦ ᓄᓇᓕᖕᓄᑦ ᐊᒻᒪ ᐱᓕᕆᕝᕕᖃᖅᑐᓄᑦ ᒐᕙᒪᒃᑯᓂᙶᖏᑦᑐᓂᒃ ᐊᑭᓕᖅᓱᐃᕙᒃᑐᓄᑦ.

ᑕᐃᒪᐃᒻᒪᑦ, ᑲᑎᑕᐅᓪᓗᑎᒃ ᐊᒃᑐᐃᓯᒪᔪᑦ ᐊᑭᑦᑐᕆᐊᖅᑕᐅᔪᓄᑦ ᐲᖅᑕᐅᕙᓪᓕᐊᔪᒥᑦ ᐅᖅᓱᐊᓘᑉ ᓱᕐᕋᔾᔭᐃᒃᑯᑎᖓᓂ ᐅᑎᖅᑎᑕᐅᔪᓂ ᐊᒻᒪ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᓕᒫᖏᓐᓄᐊᖅᑕᐅᔪᑦ ᐊᑭᖏᑦ, ᐃᓚᖏᑦ ᓄᓇᕗᒻᒥ ᓄᓇᓖᑦ ᑕᑯᓂᐊᖅᐳᑦ ᓄᓇᓕᖕᓂ ᐆᒻᒪᖅᑯᑎᑦ ᐊᑭᓕᒃᓴᖅᑖᕆᕙᒃᑕᖏᑦ ᐅᓄᖅᓯᒋᐊᖅᑐᓂᒃ 8.3-ᐳᓴᓐᒧᑦ (ᐆᒃᑑᑎᒋᓗᒍ: ᖃᒪᓂ’ᑐᐊᖅ) 2018/19-ᒥ ᐊᒻᒪ 8.3-ᐳᓴᓐᑲᓐᓂᕐᓂᒃ 2019/20-ᒥ; ᐱᓕᕆᕝᕕᖃᖅᑐᓄᑦ ᐊᑭᓖᕙᒃᑐᓄᑦ, ᐃᓚᖏᑦ ᓄᓇᓖᑦ (ᓲᕐᓗ: ᐃᖃᓗᖕᓂ) ᐊᑭᑦᑐᕆᐊᕋᔭᖅᑐᑦ 11.4-ᐳᓴᓐᒧᑦ ᑎᑭᓪᓗᒍ 2018/19-ᒥ ᐊᒻᒪ 8.3-ᐳᓴᓐᑲᓐᓂᕐᓂᒃ 2019/20-ᒥᑦ.

ᐊᓯᖏᑦ ᓄᓇᓖᑦ ᓄᓇᓕᖕᓂ ᐆᒻᒪᖅᑯᑎᓄᑦ ᐊᑭᓕᒃᓴᖏᑦ ᒥᒃᖠᒋᐊᕋᔭᖅᐳᑦ 4.8-ᐳᓴᓐᒧᑦ ᑎᑭᓪᓗᒍ (ᓲᕐᓗ: ᑰᒑᕐᔪᒃ) 2018/19-ᒥ ᐊᒻᒪ ᒥᒃᖠᒋᐊᒃᑲᓐᓂᕐᓗᑎᒃ 4.5-ᐳᓴᓐᓂᒃ 2019/20-ᒥᑦ; ᐱᓕᕆᕝᕕᖃᖅᑐᓄᑦ ᐊᑭᓕᖅᓱᐃᕙᒃᑐᑦ, ᐃᓚᖏᑦ ᓄᓇᓕᖕᓂ (ᐆᒃᑑᑎᒋᓗᒍ: ᑎᑭᕋᕐᔪᐊᖅ) ᒥᒃᖠᒋᐊᕋᔭᖅᐳᑦ 4.8-ᐳᓴᓐᒧᑦ ᑎᑭᓪᓗᒍ 2018/19-ᒥ ᐊᒻᒪ ᒥᒃᖠᒋᐊᒃᑲᓐᓂᕐᓗᑎᒃ 4.6-ᐳᓴᓐᒧᑦ ᑎᑭᓪᓗᒍ 2019/20-ᒥ.

ᓇᐃᒡᓕᒋᐊᖅᓯᒪᔪᑦ ᒫᓐᓇ ᐊᒻᒪ:
ᓄᓇᓕᖕᓂ ᒐᕙᒪᒃᑯᓐᓂᐅᙱᑦᑐᖅ ᐆᒻᒪᖅᑯᑎᓄᑦ ᐊᑭᒋᖁᔭᐅᔪᑦ
ᐱᓕᕆᕝᕕᖃᖅᑐᓄᑦ ᒐᕙᒪᒃᑯᓐᓂᐅᙱᑦᑐᖅ ᐆᒻᒪᖅᑯᑎᓄᑦ ᐊᑭᒋᖁᔭᐅᔪᑦ

ᑭᒃᑯᑐᐃᓐᓇᑦ ᑎᑎᕋᖅᓯᒪᔪᒥᑦ ᑐᓂᓯᔪᒪᔪᑦ ᐃᓱᓕᕝᕕᒃᓴᖃᖅᐳᖅ
5−ᒧᐊᖅᐸᑦ (ᑲᓇᖕᓇᒥ) ᕕᕝᕗᐊᕆ 2, 2018.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑦ ᐅᕙᓂ ᓇᓂᔭᐅᔪᓐᓇᖅᐳᖅ www.qec.nu.ca ᐱᔭᐅᔪᓐᓇᕆᓪᓗᓂ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ ᐅᕝᕙᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑐᒃᓯᕋᖅᑕᐅᓗᓂ.

ᐱᓇᔪᒍᑎᒋᔭᐅᔪᑦ ᓇᒃᓯᐅᔾᔭᐅᔪᓐᓇᖅᐳᑦ ᐅᑯᓄᖓ:

ᖃᕆᑕᐅᔭᒃᑯᑦ
ᑎᑎᕋᖃᑦᑕᐅᓂᕝᕕᒃᑯᑦ: URRC@gov.nu.ca
ᑐᕌᕈᑖ: ᓯᕗᓕᖅᑎᓄᑦ ᑐᑭᒧᐊᖅᑎᑦᑎᔨ URRC−ᑯᓐᓄᑦ,
ᑎᑎᖅᑲᒃᑯᕕᐊ 1000, ᐃᓂᐊ 200
ᐃᖃᓗᐃᑦ, ᓄᓇᕗᑦ X0A 0H0

URRC−ᑯᑦ ᐊᒃᑐᐊᓂᖃᒻᒪᕆᙱᖦᖢᑎᒃ ᑲᑎᒪᔨᐅᕗᑦ ᐅᖃᐅᔾᔪᐃᕙᒃᖢᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ ᐊᑭᒋᔭᐅᑎᑕᐅᔪᓄᑦ ᐊᑐᓕᖅᑎᑕᐅᕙᒃᑐᓄᑦ ᐃᒡᓗᕐᔪᐊᒥ ᐊᑐᖅᑕᐅᔪᓄᑦ.