ᑐᓴᒐᒃᓴᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᙶᖅᑐᖅ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑎᑎᕋᖅᓯᓯᒪᓕᖅᐳᑦ ᐊᖏᔪᒥᒃ ᐱᓕᕆᐊᖃᕐᓂᐊᕐᓂᕐᒧᑦ ᐱᔪᓐᓇᐅᑎᒥᒃ ᐱᓇᓱᐊᕈᑎᒥᒃ (MPPA) ᒥᓂᔅᑕᖓᓄᑦ ᑲᒪᒋᔭᖃᖅᑐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ. ᓄᑖᙳᕆᐊᖅᑎᑦᑎᓂᐅᕗᖅ ᓯᐊᒻᒪᒃᑎᕆᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᒥᒃ ᐊᑕᓕᖅᑎᑦᑎᓂᐊᕐᓗᓂ ᓄᑖᒥ ᐃᖃᓗᒃᑑᑦᑎᐊᒥ ᐆᒻᒪᖅᑯᑎᖃᕐᕕᒋᔭᐅᔪᒥᒃ ᓄᓇᓕᖕᓄᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓴᓇᕙᓪᓕᐊᓕᖅᐳᑦ ᓄᑖᒥᒃ ᐆᒻᒪᖅᑯᑎᖃᕐᕕᖕᒥᒃ ᑖᓐᓇᓗ ᓂᕆᐅᒋᔭᐅᔪᖅ ᐊᑐᓕᓛᕋᓱᒋᔭᐅᓪᓗᓂ 2029−ᒥ. ᑐᒃᓯᕋᐅᑕᐅᓯᒪᔪᑦ ᓄᑖᙳᕆᐊᖅᑕᐅᖁᔭᐅᔪᑦ ᓯᐊᒻᒪᒃᑎᕆᔾᔪᑎᒧᑦ ᓂᕆᐅᒋᔭᐅᔪᑦ ᐱᐊᓂᒃᑕᐅᓛᕋᓱᒋᔭᐅᓪᓗᑎᒃ 2029/30 ᑮᓇᐅᔭᓕᕆᓐᓇᖅ ᐊᕐᕌᒍᒥ.
ᐱᓇᔫᑎᒋᔭᒥᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᓗᓇᐃᖅᓯᕗᑦ ᕿᒥᕐᕈᓚᐅᕐᓂᖏᓐᓂᒃ ᖃᔅᓯᑲᓪᓚᖕᓂᒃ ᐊᑐᖅᑕᐅᖔᕈᓐᓇᖅᑐᓂᒃ ᐊᑦᑕᑕᖅᑎᑦᑎᓂᐊᕐᓗᓂ ᓄᑖᒥᒃ ᐆᒻᒪᖅᑯᑎᖃᕐᕕᖕᒥᒃ ᐱᑕᖃᖅᐸᒌᖅᑐᒧᑦ ᐱᓕᕆᔾᔪᓯᕐᒧᑦ. ᑐᕌᒐᕆᔭᐅᓪᓗᐊᑕᓚᐅᖅᑐᖅ ᓂᕈᐊᕈᒪᓪᓗᑎᒃ ᓇᓖᕌᒐᒃᓴᒥᒃ ᒥᒃᖠᒋᐊᖅᑎᑦᑎᓇᔭᖅᑐᒥᒃ ᐆᒻᒪᖅᑯᑎᒥᒃ ᐊᓯᐅᔨᓂᕐᒥᒃ ᐋᖅᑭᒃᓯᒪᐃᓐᓇᖅᑎᑦᑎᓗᓂᓗ ᓱᕐᕌᓗᐊᙱᑦᑐᒥᒃ ᓴᙱᓂᖓᓂᒃ ᐆᒻᒪᖅᑯᑎᒧᑦ.
ᐱᓕᕆᐊᖑᔪᒪᔪᖅ ᐃᓚᖃᖅᐳᖅ ᓴᓇᓂᕐᒥᒃ ᓄᑖᒥᒃ ᐆᒻᒪᖅᑯᓯᐅᕐᕕᖕᒥᒃ ᐅᐊᖕᓇᖅᐸᓯᐊᓂ ᐃᖃᓗᒃᑑᑦᑎᐊᑉ, ᐃᓕᐅᖅᑲᐃᓂᕐᒥᒃ ᓄᑖᓂᒃ ᓄᑭᓪᓚᐅᑎᓂᒃ, ᐃᓚᓯᓂᕐᒥᒡᓗ ᓄᑖᓂᒃ ᐆᒻᒪᖅᑯᑎᓄᑦ ᓴᕕᒐᐅᔭᓂᒃ. ᑖᒃᑯᐊ ᐅᐊᔭᐃᑦ ᑲᑎᙵᑎᑦᑎᓂᐊᖅᐳᑦ ᐆᒻᒪᖅᑯᑎᖃᕐᕕᒃᑖᓵᒥᑦ ᐆᒻᒪᖅᑯᑎᖃᕐᕕᖕᒧᑦ ᐊᑦᑕᑕᖅᑎᑦᑎᓗᑎᒡᓗ ᐆᒻᒪᖅᑯᑎᖃᕐᕕᖕᒥᑦ ᐆᒻᒪᖅᑯᑎᓄᑦ ᓴᕕᒐᐅᔭᓂᑦ ᓄᓇᓕᖕᓂᑦ, ᐊᑐᕐᓗᑎᒃ ᑕᒪᐃᓐᓂᒃ ᖁᑦᑎᒃᑐᒦᑦᑐᓂᑦ ᐅᐊᔭᓂᑦ ᓄᓇᐅᓪᓗ ᐊᑖᒍᑦ ᓴᕕᒐᐅᔭᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᖃᖅᐳᑦ ᑕᒪᒃᑯᐊ ᓄᑖᙳᕆᐊᖅᑎᑕᐅᔪᑦ ᐃᑲᔪᕐᓂᐊᕐᓂᖏᓐᓂᒃ ᐱᑎᑦᑎᓗᑎᒃ ᐊᑦᑕᕐᓇᙱᑦᑐᒥᒃ, ᐊᑐᖅᑕᐅᑦᑎᐊᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᒻᒥᒃ ᐃᖃᓗᒃᑑᑦᑎᐊᒥᐅᓄᑦ ᐃᑲᔪᖅᑐᐃᓗᑎᒡᓗ ᐊᐅᓚᓂᕆᔭᖓᓂᒃ ᓄᑖᖅ ᐆᒻᒪᖅᑯᑎᖃᕐᕕᒃᑖᓵᒧᑦ
ᑲᑎᖦᖢᒍ ᐊᑭᖓ ᑎᓴᒪᓄᑦ ᐊᐅᓚᐅᑎᖃᕐᕖᑦ ᐊᓯᔾᔨᖅᑕᐅᔭᕆᐊᓕᖕᓄᑦ ᓇᓚᐅᑦᑖᖅᑕᐅᓯᒪᕗᖅ ᐊᑭᖃᕐᓂᐊᕋᓱᒋᔭᐅᓪᓗᑎᒃ $11.567 ᒥᓕᐊᓂᒃ. ᑕᒪᓐᓇ ᐃᒪᐃᓕᖓᓕᕈᑕᐅᓂᐊᖅᐳᖅ ᒥᒃᓴᐅᑦᑎᓪᓗᑎᒃ $0.946 ᒥᓕᐊᓂᒃ ᐊᑭᑦᑐᕆᐊᓛᕋᓱᒋᔭᐅᓪᓗᓂ ᑮᓇᐅᔭᓕᐅᕈᑕᐅᒋᐊᖃᖅᑐᑦ ᐊᒻᒪ 0.46 cents-ᑐᕐᓗᑎᒃ\kW ᐃᑲᕐᕋᒧᑦ ᐊᑭᑦᑐᕆᐊᕐᓗᒋᑦ ᓄᓇᕘᓕᒫᒥ ᐊᑭᒋᑎᑕᒧᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐅᖃᓚᐅᖅᐳᑦ ᐊᑭᖏᑦ ᐋᖅᑭᒋᐊᖅᑕᐅᓇᔭᙱᓐᓂᖏᓐᓂᒃ ᑭᓯᐊᓂ ᑭᖑᓂᐊᒍᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᑦ(ᑎᑦ) ᕿᒥᕐᕈᔭᐅᓂᖃᖅᓯᒪᓕᖅᐸᑕ.
ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᑐᓴᕈᒪᔪᑦ ᑕᐅᑐᒃᑕᐅᔪᓂ ᓄᓇᓕᖕᒥᐅᓂᑦ ᓇᖕᒥᓂᖃᖅᑎᓂᒡᓗ ᐱᔾᔪᑎᖃᖅᑐᓂ ᑖᔅᓱᒥᖓ ᑐᒃᓯᕋᐅᒻᒥᒃ.
ᑎᑎᕋᖅᓯᒪᔪᑦ ᑐᓐᓂᖅᑯᑕᐅᒋᐊᖃᓖᑦ ᐃᓱᓕᕝᕕᖃᓛᖅᑐᖅ ᐅᓇᐅᓕᖅᐸᑦ: 5−ᒥᑦ ᐅᓐᓄᓴᒃᑯᑦ. (ᑲᓇᖕᓇᐅᑉ ᖃᐅᔨᓴᐅᑎᖓᑎᒍᑦ) ᒫᑦᓯ 16, 2026.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑐᒃᓯᕋᐅᑎᐊ ᓇᓂᔭᐅᔪᓐᓇᖅᑐᖅ www.qec.nu.ca−ᒥ ᐅᕝᕙᓘᓐᓃᑦ ᑐᒃᓯᕋᖅᑐᖃᕌᖓᑦ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᒃ ᐅᕝᕙᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᓇᒃᓯᐅᔭᐅᔪᑦ ᐊᐅᓪᓚᖅᑎᑕᐅᔪᓐᓇᖅᑐᑦ ᐅᕗᖓ: ᐃᕐᖐᓐᓈᖅᑕᐅᒃᑯᑦ – URRC@gov.nu.ca Executive Director of the URRC.
ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐃᒻᒥᒃᑰᖅᑎᐅᓪᓗᑎᑦ ᑲᑎᒪᔨᐅᕗᑦ ᐅᖃᐅᔾᔪᐃᕙᒃᖢᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ ᐆᒻᒪᖅᑯᑎᓄᑦ ᐊᑭᒋᔭᒃᓴᖏᓐᓂᑦ ᐆᒻᒪᖅᑯᑎᓂᑦ ᐊᑐᖅᑐᐊᕐᓂᕐᒧᑦ.
ᑲᑎᒪᔨ ᐃᓐᓄᒃᓯᒪᙱᑦᑐᖅ − ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ (URRC)
ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ (URRC) ᕿᒥᕐᕈᕙᒃᐳᑦ ᐱᓇᔫᑎᒋᔭᐅᔪᓂᒃ ᑭᒃᑯᑐᐃᓐᓇᓄᑦ ᐊᑐᖅᑕᐅᕙᒃᑐᓂᑦ ᐊᐅᓚᑦᑎᔪᓂᒃ ᓄᓇᕗᒻᒥ ᖃᔅᓯᑐᖅᑎᑕᐅᓂᖏᓐᓄᑦ ᖃᔅᓯᑐᖅᑎᑕᐅᓂᖏᓐᓄᓪᓗ ᖃᓄᖅ ᐋᖅᑭᒃᓱᖅᓯᒪᓂᖏᓐᓄᑦ. ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᐱᓕᕆᐊᒃᓴᖏᑦ ᐃᓚᐅᑎᑦᑎᔪᑦ ᐱᔾᔪᑎᓂᒃ ᐊᑯᓂᐅᔪᒃᑯᑦ ᐊᑭᓕᒃᓴᓂᒃ, ᐊᑭᑐᔪᓄᑦ ᐊᑭᓕᐅᑎᓂᒃ, ᐊᑯᓐᓂᖅᓯᐅᑎᓄᓪᓗ ᐊᑭᓄᑦ.
ᓄᓇᕗᑦ ᒐᕙᒪᖓ ᐱᓕᕆᐊᖃᒻᒪᕆᒍᒪᕗᖅ ᓴᖅᑭᑎᑦᑎᓂᕐᒥᒃ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᒋᔭᐅᔪᓂᒃ; ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ ᓇᖕᒥᓂᖅ ᓇᓗᓇᐃᖅᓯᔪᑦ ᐊᑎᓕᐅᖅᑕᐅᖃᑕᐅᓯᒪᓂᖏᓐᓂᒃ ᓄᓇᕗᒻᒥ ᐊᖏᕈᑎᒧᑦ.
ᐱᓕᕆᖃᑦᑕᖅᓯᒪᓂᑰᓂᖅ ᐃᓕᓐᓂᐊᕈᒪᓂᕐᓗ ᓈᒻᒪᒋᔭᐅᕗᖅ. ᐱᓇᔪᖁᕙᑦᑎᒋᑦ ᐊᔾᔨᓪᓗᐊᑕᖓᓂ ᐱᓕᕆᖃᑦᑕᖅᓯᒪᒍᕕᑦ.
ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᕿᓂᖅᑐᑦ ᓂᕈᐊᕋᑦᓴᕐᓂᑦ ᑲᑎᒪᔨᓄᑦ ᐃᓚᒋᔭᐅᔪᑦᓴᒥᑦ, ᑲᑎᒪᔨᑦᓴᖅᓯᐅᖅᑐᒍᑦ:
- ᓇᒻᒥᓂᖃᕐᓂᖅ ᒪᓕᒐᓕᕆᓂᕐᒧᑦ ᐱᓕᕆᐊᖃᖅᓯᒪᓗᓂ ᐃᑲᔫᑎᖃᕋᔭᖅᑐᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦᑕ ᐊᐅᓚᓂᖏᓐᓄᑦ.
- ᐱᕕᖃᕈᓐᓇᕐᓗᓂ ᐅᐸᑐᐃᓐᓇᕐᐸᙱᓪᓗᓂ ᓈᓚᒋᐊᕐᓗᓂ ᐱᓕᕆᒻᒪᕆᒃᓗᓂ ᖃᐅᔨᓴᕆᐊᓕᖕᓄᑦ ᖃᐅᔨᓴᖕᓂᖕᓄᓪᓗ ᓴᖅᑭᑕᐅᔪᑦ ᑲᑎᒪᔨᓄᑦ.
- • ᑐᑭᓯᒋᐊᒃᑲᓐᓂᕐᕕᒃᓴᖅᑕᓕ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᐃᑭᐊᖅᑭᕕᐊᓂ, ᐃᓚᐅᓪᓗᓂ ᓴᖅᑭᔮᖅᑎᑕᐅᓂᒃᑯᑦ ᐊᒻᒪᓗ ᑭᓲᓂᖏᑦ ᐱᓕᕆᐊᖏᑦ ᑲᑎᒪᔨᑦ ᐅᕙᓂ http://www.urrc.gov.nu.ca.
ᓯᕗᓪᓕᖅᐸᐅᔾᔭᐅᔪᒪᔪᓄᑦ, ᐱᓇᔪᒃᑐᑦ ᑎᓕᐅᖅᑕᐅᕗᑦ ᓇᓗᓇᐃᖅᓯᖁᔭᐅᓪᓗᑎᒃ ᐃᒻᒥᓂᒃ ᓄᓇᑖᖃᑕᐅᓯᒪᒍᑎᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒃᑯᑦ.
ᐊᑭᓕᖅᑕᐅᓂᖅ ᓇᓗᓇᐃᖅᓯᒪᔪᖅ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔭᕆᐊᓖᑦ ᑐᑭᒧᐊᕈᑎᖓ 810. 6.6. $400 / ᐅᓪᓗᖅ $200 / ᐅᓪᓘᑉ ᓇᑉᐸᖓᓂᒃ
ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒋᑦ ᑐᑭᒧᐊᒃᑎᑦᑎᔨᒻᒪᕆᖕᒧᑦ ᐆᒻᒪᖅᑯᑎᓄᑦ ᐊᑭᓕᐅᑕᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᓄᑦ URRC@gov.nu.ca ᒫᑦᓯ 1, 2026 ᑐᖔᓂ.
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᑐᑭᒧᐊᒃᑎᑦᑎᔨᒻᒪᕆᒃ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ
ᓄᓇᕗᒻᒥ ᒐᕙᒪᒃᑯᑦt
URRC@gov.nu.ca
ᑐᓴᒐᒃᓴᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᙶᖅᑐᖅ
A message from the Utility Rates Review Council
Tuhaqtidjutit hapkunanga Auladjutinun Akiinun Ihivriuqhijiit Katimajiinin
Un message du Conseil d’examen des taux des entreprises de service
