Tuhaqtidjutit Igluin Auladjutititgun Akitutilaanginnut Katimajiinin

Qulliq Alrujaqtuqtunik Ikumadjutiit (QEC) titiqijut uuktuutinik angirutikhamnik haffumunga Akitujunut Havaktaujakhanut Laisiutikhanut Uuktuutinik hapkununga Ministanganut Munariniqaqtuq QEC-kunnut. Nutaannguqtiutikhanut alrujaqtuutikhanut pauwaliurutikhanut atuqtakhat katilviuhungujuq nutaaq Iqaluktuutiami pauwaqarviat nunanganut. QEC-kut hananahuaqtut nutaamik pauwaqarvikhamik nahurijaujuq atuliqtauniaqtuq 2029-mi. Tamna tukhiqtauhimajuq nuutaanguqtirutikharnik alrujaqtuqtunik auladjutikharnik niriuqtaujut iniqtiqtauniaqtun talvuuna 2029/30 maniit akitujut atuqtaujukharnik ukiungani.

Uumani uukturutimini, QEC naunaijaqtaa ihivriuqtait kaffiujun qanuriliurutikhat atadjutikkut nutaamun pauwaliqivikmun tahamaniittumun pidjutimun. Tikinnahuarutilluanga tikkuariami kitunik ikiklijuumiutiniaqtuq pauwaqtuutimut tammaininnga pihimariamilu ihuaqtumik hakugingninnganik pauwaqtuutimut.

Tamna tukhiqtauhimajuq havaakhaq ilauqaqtuq napaqtirijaangat nuutaamik pauwaqarvikharnik tununganirmi haniani Iqaluktuutiarmi, iliurailutiklu nuutaanik alrujaqtuutikharnik, iliurailutiklu nuutaanik pauwaktuutikharnik alrujaqnik. Ukuat alrujat katitiqniaqtait nuutaangujuq pauwaqarvikhaq talvunga pauwaqarvikhaq katitiriniaqturlu pauwaqarvikhaq aulahimajunun alrujangit nunalaani, aturlutik tamangnik qullaniitun alrujangit nunam ataanilu alrujangit. QEC-kut uqaqtut hapkuat nutannguqtiutikhat ikajuutauhungujut qajangnaitumik, ihuaqtumik, akituvallaangittumiklu pauwaliurutikhanik Iqaluktuutiami ikajuutauniaqturlu auladjutikhanut nutaaq pauwaqarvikhat

Atauttimun akinga iniqtiriami pauwatuutini pidjutimi nutaanguqtiqnirnik naunaijaqtauhimajuq imaatun $11.567 million. Una pidjutiniaqtuq uvani itqurniarutaanut $0.946 milliat angiklijuummirutimi uvani maniliuqnikkut pitqujauhimajumi imaalu 0.46 cents/kWh angiklijuummirutinik nunaptingni-tamaat akitutilaanginnik. QECtkut uqaqtut tapkua akiit ihuaqhaqtaulimaitut kihimi iniqtautinagit havaakhat, kinguani Akiluangit Uuktuutit.

URRCkut tuhaajumajun ihumagijainnik inungnin havagviinnillu mikhaagun uumani Uuktuutimi.

Umikvikhaa titiraqhmajuni tujuutini una: 5 p.m. (EST) Qiqaijalirvia 16, 2026.

QECkunnin uuktuuti takujauttaaqtuq www.qec.nu.ca tukhirutikkulluunniit naliani URRCkunni uvaniluunniit QEC. Tujuutikhat tujuqtauttaaqtun uvunga: Qaritaujakkut titiqqilvia – URRC@gov.nu.ca Atangujaq Aulapkaiji hapkununga URRCkunun.

URRC-kut ilauqatigiingnikkut katimajiujuq tapkua tunihiplutik uqaudjinirmik Kavamatkunun Nunavunmi mikhaatigut akiit pihimajut auladjutikkut.

---

Katimajikhailliuqtun –Igluin Aulatjutititgun Akitutilaanginnut Katimayiinnin (URRC)

Nunavunmi Igluin Auladjutitigun Akitutilaanginnut Katimayiinni ihivriuqpaktun uukturutinik kavamatkunnin auladjutainnin havaktun Nunavunmi mighaagun akitutilaanginni ukunanilu akitutilaanginni qanuriliurutainni. URRC-kut havagutaa ilaqaqtuq hapkuninnga imaatun akuniraaluk atugauvaktun, akitujun akiliqtaujukhat tadjamilu akitutilaangit.

Nunavut Kavamanga havagumajut pipkainikkut tautungnarniqaqtukkut havaktinik; hivulliutiniaqtait Nunavunmi Inuinnait naunaiqhihimajut inmingnik-atiliuqhimajumik titiraqhimajut ataani Nunavunmi Angirutimi.

Havakpakhimanirnik iliharumanikkullu naammagijaujun. Akhuurhaijugun uuktuquplutin piqaruvin aajjikkiingniqaqtunik atuqhimanirnik.

URRCkut qiniqhiajut katimajikhanik imaatut Katimajiinni ilaujukhamik; qiniqhiajugut katimajinik ilaujunik imaatun:

• Nanminiqaqtukhat havagvingmik, maligakkut ajuiriiqhimajamiknik ikajuutauniaqtuq Katimajiit aulapkaidjutainnun.
• Pittaaqtuq ilauluni naalakvighanun, havaglunilu havaktakhanik ihivriuriami naunaijariamilu hunanik tunijauhimajun Katimajiinnun.
• Aallanik ilitturipkaidjutikhanik takujauttaaqtun uvani URRC-kut qaritaujakkuurutaani, ilaujullu tamarmik tukhirutimi naunaitkutaillu havaktakhainni katimajiit ilaujun uvani http://www.urrc.gov.nu.ca.

Hivulliutiujukhanun ihumagijaujukhanun, uuktuqtuq akhuuqtaujun naunaipkailutik ingmingnik ilaujaakhamingnik ikajuutiqarnirmun ataani Nunavunmi Angirutimi.

Ikajuutit titiraqhimajut ataani ukua FAMmi atuqujaujumi 810. 6.6. $400 / ubluq $200 / napaa ublup

Tujuqlugit havakpakhimajangnik naunaitkutingnik talvunga Aulapkaijiluaq URRCkutni URRC@gov.nu.ca Qiqailruq 1, 2026nguqtinani.

Tuhaqtipkainikkut Uqarvigijakhaq:
Aulapkaiji URRCkunnut
Nunavut Kavamanga
URRC@gov.nu.ca

ᑐᓴᒐᒃᓴᖅ ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓂᙶᖅᑐᖅ
A message from the Utility Rates Review Council
Tuhaqtidjutit hapkunanga Auladjutinun Akiinun Ihivriuqhijiit Katimajiinin
Un message du Conseil d’examen des taux des entreprises de service